ગુજરાત ની પરછાઇ

વેજલપુર એકતા કપ-૨૦૨૬: પાંડવાસ ઇલેવનનો ભવ્ય વિજય, સિકોતર યુવક મંડળને ૮ વિકેટે હરાવ્યું રિપોર્ટ, ભરતમિસ્ત્રી  મહેશ્વરી સર્વિસીસ દ્વારા એસપી ઓફિસના મેદાન પર આયોજિત બે દિવસીય ક્રિકેટ ટૂર્નામેન્ટમાં ૧૨ ટીમો વચ્ચે જામ્યો જંગ; ધારાસભ્ય રમેશભાઈ મિસ્ત્રી સહિતના રાજકીય-સામાજિક અગ્રણીઓએ યુવાનોનો ઉત્સાહ વધાર્યો ભરૂચના એસપી ઓફિસના રમતગમત મેદાન ખાતે મહેશ્વરી સર્વિસીસ દ્વારા આયોજિત પ્રતિષ્ઠિત બે દિવસીય "વેજલપુર એકતા કપ ૨૦૨૬" ક્રિકેટ ટૂર્નામેન્ટનું અત્યંત શાનદાર, ભવ્ય અને રોમાંચક માહોલમાં સમાપન થયું છે. સમગ્ર પંથકના યુવાનોમાં એકતા, ભાઈચારો અને રમતગમત પ્રત્યેની રુચિ વધે તેમજ સ્થાનિક યુવા પ્રતિભાઓને યોગ્ય મંચ પૂરું પાડી શકાય તેવા ઉમદા આશયથી આ આયોજન કરવામાં આવ્યું હતું. આ શોર્ટ-ફોર્મેટ ક્રિકેટ મહાકુંભમાં જિલ્લાની કુલ ૧૨ જેટલી દિગ્ગજ અને નામાંકિત ટીમોએ ઉત્સાહભેર ભાગ લીધો હતો. બે દિવસ સુધી એસપી ઓફિસના ગ્રાઉન્ડ પર ચાલેલી આ સ્પર્ધામાં એકથી એક ચડિયાતા અને રસાકસીભર્યા મુકાબલાઓ જોવા મળ્યા હતા, જેમાં ખેલાડીઓએ ઉત્કૃષ્ટ ખેલદિલી અને ક્ષમતાનું પ્રદર્શન કરી ઉપસ્થિત હજારો રમતપ્રેમીઓને મંત્રમુગ્ધ કર્યા હતા. ટ...

અંકલેશ્વર ઔદ્યોગિક વસાહતમાં તંત્રની ઘોર બેદરકારી, ભર ઉનાળે વરસાદી ગટરોમાં વહ્યું રંગીન કેમિકલયુક્ત પાણી રિપોર્ટ,ભરત મિસ્ત્રી  એક તરફ જ્યારે સમગ્ર દેશ અને રાજ્યમાં આગામી 5મી જૂનના રોજ 'વિશ્વ પર્યાવરણ દિવસ' ઉજવવાની મોટા ઉપાડે તૈયારીઓ ચાલી રહી છે, ત્યારે બીજી તરફ એશિયાની સૌથી મોટી ઔદ્યોગિક વસાહતોમાં ગણાતી અંકલેશ્વર જી.આઈ.ડી.સી.માં પર્યાવરણના લીરેલીરા ઉડતી ઘટના સામે આવી છે. અંકલેશ્વરની વરસાદી ગટરોમાં ભર ઉનાળે બેરોકટોક પણે ઝેરી અને રંગીન પ્રદૂષિત પાણી વહી રહ્યું છે, જેને રોકવામાં સ્થાનિક તંત્ર સંપૂર્ણપણે નિષ્ફળ નીવડ્યું છે. પ્રાપ્ત વિગતો અનુસાર, અંકલેશ્વર ઔદ્યોગિક વિસ્તારમાં આવેલી હેમા ફાર્મા (L&T ચોકડી) પાસેથી પસાર થતી વરસાદી ગટરોમાં વિવિધ કલરનું કેમિકલયુક્ત પ્રદૂષિત પાણી છોડવામાં આવ્યું હોવાનું નજરે પડ્યું હતું. આ રંગીન પાણી આગળ વધીને 'C પમ્પિંગ' સ્ટેશન સુધી પહોંચ્યું હતું અને ત્યાંથી આગળ અમરાવતી ખાડી તરફ જતાં જતાં તે તદ્દન કાળા ડિબાંગ ઝેરી પાણીમાં ફેરવાઈ ગયું હતું. ભૂતકાળમાં પણ આ જ રીતે વરસાદી ગટરોમાં પ્રદૂષિત પાણી વહાવી દેવાની અનેક ઘટનાઓ બની ચૂકી છે, છતાં કોઈ કડક પગલ...

દહેજની કેમલીન ફાઇન કંપનીમાં ભીષણ આગ: બે માળ બળીને ખાખ, સદનસીબે જાનહાનિ ટળી વાગરા તાલુકાના ઔદ્યોગિક ગઢ ગણાતા દહેજ ખાતે આવેલી કેમલીન ફાઇન (Camlin Fine Sciences) કંપનીમાં અચાનક ભીષણ આગ ફાટી નીકળતાં દોડધામ મચી ગઈ હતી. કંપનીના ડી.પી. (DP) પ્લાન્ટમાં લાગેલી આ આગે જોતજોતામાં વિકરાળ સ્વરૂપ ધારણ કરી લીધું હતું. આગ એટલી પ્રચંડ હતી કે તેણે જોતજોતામાં પ્લાન્ટના બે માળને પોતાની ઝપેટમાં લઈ લીધા હતા. આગની જ્વાળાઓ અને ધુમાડાના ગોટેગોટા દૂર-દૂર સુધી જોઈ શકાતા હતા. પ્રાથમિક માહિતી અનુસાર, આ દુર્ઘટનામાં પ્લાન્ટના બે માળ બળીને સંપૂર્ણપણે ખાખ થઈ ગયા છે, જેને પગલે મોટા પાયે આર્થિક નુકસાન થવાની આશંકા છે. કેમલીન કંપનીમાં લાગેલી આ ભીષણ આગને પગલે આસપાસ આવેલી અન્ય ઔદ્યોગિક કંપનીઓના કર્મચારીઓ અને સત્તાધીશોના જીવ પણ તાળવે ચોંટ્યા હતા. કેમિકલ ઝોન હોવાને કારણે આગ વધુ ન પ્રસરે તે માટે આજુબાજુના વિસ્તારોમાં ભારે ફફડાટ અને ચિંતાનો માહોલ જોવા મળ્યો હતો. પ્રાથમિક તબક્કે મળતી વિગતો અનુસાર, આ ભયાનક આગની ઘટનામાં કોઈ જાનહાનિ કે ગંભીર ઈજાના સમાચાર નથી, જે એક મોટી રાહતના સમાચાર છે. ઘટનાની જાણ થતાં જ ફાયર ફાઈટરોનો કાફલો ઘટનાસ્થ...

વાગરામાં GFL કંપનીનું જોખમી કેમિકલ વેસ્ટ રસ્તા પર ઢોળાતાં પોલીસ એક્શનમાં, ટેન્કર ચાલક જેલભેગો ​જીવના જોખમે કેમિકલ પરિવહન કરતી કંપનીઓ સામે લાલઆંખ; વાગરા પોલીસે ગુનો નોંધી દાખલારૂપ કાર્યવાહી કરી ઔદ્યોગિક ગઢ ગણાતા ભરૂચ જિલ્લાના વાગરા તાલુકામાંથી એક ચોંકાવનારો કિસ્સો સામે આવ્યો છે, જ્યાં માનવ જિંદગી અને પર્યાવરણને ગંભીર નુકસાન પહોંચાડી શકે તે રીતે કેમિકલ વેસ્ટનું જોખમી વહન કરવામાં આવી રહ્યું હતું. જોકે, વાગરા પોલીસ સ્ટેશનના જાગૃત જવાનોની સતર્કતાને કારણે એક મોટી દુર્ઘટના ટળી છે અને પોલીસે ટેન્કર ચાલક સહિત મુદ્દામાલ ઝડપી પાડી કાયદેસરની કાર્યવાહી હાથ ધરી છે. ​મળતી માહિતી મુજબ, ગત ૨૦ મે ૨૦૨૬ના રોજ સાંજના સમયે વાગરા પોલીસ સ્ટેશનના અનાર્મ હેડ કોન્સ્ટેબલ ભોપાભાઈ ગફુરભાઈ અને તેમની ટીમ ખાનગી વાહનમાં પખાજણ ગામથી વાગરા તરફ આવી રહ્યા હતા. આ દરમિયાન એચ.પી. પેટ્રોલ પંપથી જી.ઈ.બી ચોકડી વચ્ચેથી પસાર થઈ રહેલા એક અશોક લેલેન્ડ કંપનીના ટેન્કર (નંબર: GJ 18 BV 6699) ના પાછળના ભાગેથી કેમિકલ જેવું પ્રવાહી રસ્તા પર ઉભરાઈને ઢોળાતું તેમની નજરે પડ્યું હતું. પોલીસે તાત્કાલિક તત્પરતા દાખવી આ ટેન્કરને આંતરીને અટકાવ્યું ...

ભરૂચમાં 'News Capital Gujarat' દ્વારા નારી શક્તિનું ભવ્ય સન્માન,ત્રાલસાના અસ્મિતા વિકાસ કેન્દ્રના આચાર્ય મનીષાબેન ત્રિવેદી સન્માનિત મહિલા સશક્તિકરણને વેગ: ભરૂચમાં સેવા, શિક્ષણ અને વ્યવસાય ક્ષેત્રની અગ્રણી મહિલાઓનો સન્માન સમારોહ યોજાયો મહિલા સશક્તિકરણના ઉમદા આશય સાથે ગુજરાતની નાણાંકીય ચેનલ 'News Capital Gujarat' દ્વારા ભરૂચની હોટલ લોર્ડ્સ રંગ ઇન ખાતે એક ભવ્ય સન્માન સમારોહનું આયોજન કરવામાં આવ્યું હતું. આ કાર્યક્રમમાં ભરૂચ જિલ્લાની વિવિધ સામાજિક સેવાભાવી સંસ્થાઓ, શિક્ષણ જગત સાથે જોડાયેલી મહિલાઓ, શિક્ષિકાઓ તેમજ વ્યવસાયિક ક્ષેત્રે પોતાની આગવી ઓળખ ઊભી કરનાર નારી રત્નોને તેમની ઉત્કૃષ્ટ કામગીરી બદલ બિરદાવવામાં આવ્યા હતા. આ ગરિમાપૂર્ણ કાર્યક્રમ ભરૂચના અગ્રણી મહાનુભાવોના હસ્તે સંપન્ન થયો હતો, જેમાં ભરૂચ જિલ્લા શિક્ષણાધિકારી સ્વાતિબા રાઓલ, ભાજપા જિલ્લા પ્રમુખ પ્રકાશભાઈ મોદી અને ભરૂચ નગરપાલિકાના પૂર્વ પ્રમુખ અમિતભાઈ ચાવડા વિશેષ રૂપે ઉપસ્થિત રહ્યા હતા. મંચસ્થ મહાનુભાવોના વરદહસ્તે સમાજ ઉપયોગી કાર્યો કરનાર મહિલાઓને સન્માનિત કરવામાં આવી હતી. આ સન્માન સમારોહમાં ત્રાલસા સ્થિત 'અસ્મિત...

PGP Glass દ્વારા 'પ્રોજેક્ટ સશક્તિકરણ' અંતર્ગત 51 મહિલાઓનું સન્માન: ઉચ્છદ ગામે કૌશલ્ય વિકાસ કાર્યક્રમ યોજાયો જંબુસર, દેવેન્દ્ર મિસ્ત્રી  જંબુસર ની PGP Glass Limited દ્વારા ઉચ્છદ ગામ ખાતે મહિલા સશક્તિકરણને વેગ આપવા માટે પ્રોજેક્ટ સશક્તિકરણ' અંતર્ગત સન્માન સમારોહનું આયોજન કરવામાં આવ્યું હતું. જાન્યુઆરીથી માર્ચ 2026 દરમિયાન 'જન શિક્ષણ સંસ્થાન, ભરૂચ'ના સહયોગથી ચાલેલા 3 મહિનાના તાલીમ કાર્યક્રમમાં કુલ 51 મહિલાઓએ સફળતાપૂર્વક તાલીમ પૂર્ણ કરી હતી. કૌશલ્ય તાલીમ 31 મહિલાઓએ ટેલરિંગ અને 18 મહિલાઓએ બ્યુટી પાર્લરનો કોર્સ પૂર્ણ કર્યો. તમામ સફળ તાલીમાર્થીઓને 'સ્કિલ ઈન્ડિયા' સર્ટિફિકેટ અને વ્યવસાયિક કિટ્સ એનાયત કરવામાં આવી. કાર્યક્રમમાં ગામના સરપંચ વિજયસિંહ રાજ, PGP Glassના પ્લાન્ટ HR હેડ દિનેશ લોહાણા, જે.એસ.એસ. ભરૂચના મુન્ના ઝૈનુલ સૈયદ અને 100થી વધુ ગ્રામજનો હાજર રહ્યા હતા. આ પહેલનો મુખ્ય હેતુ ગ્રામીણ મહિલાઓને આત્મનિર્ભર બનાવી સ્વરોજગારની તકો પૂરી પાડવાનો છે. સરપંચ અને સ્થાનિકોએ PGP Glass Limitedની આ સામાજિક જવાબદારી (CSR) અને મહિલા ઉત્થાનના પ્રયાસોને બિરદાવ્યા હતા. #ગુજરાત ...

ગંધાર સોલ્ટમાં લોખંડનો શેડ તૂટી પડતા શ્રમિકનું કમકમાટીભર્યું મોત  વાગરા પંથકમાં આવેલી ગંધાર સોલ્ટ કંપનીમાં આજે એક ગમખ્વાર અકસ્માત સર્જાયો છે. કંપની પરિસરમાં ફરજ બજાવી રહેલા એક શ્રમિક પર અચાનક લોખંડનો ભારેખમ શેડ અને કાટમાળ તૂટી પડતા તેનું ઘટના સ્થળ પર જ કરુણ મોત નીપજ્યું છે. સૂત્રો દ્વારા મળતી માહિતી અનુસાર, વાગરાના ગંધાર સોલ્ટમાં હંમેશની જેમ કામગીરી ચાલી રહી હતી. આ દરમિયાન અચાનક કંપનીનો એક જર્જરિત લોખંડનો શેડ ધરાશાયી થયો હતો. કમનસીબે, ત્યાં કાર્યરત રમેશભાઈ ઈશ્વરભાઈ ચૌહાણ આ કાટમાળ નીચે દબાઈ ગયા હતા. દુર્ઘટના એટલી ગંભીર હતી કે રમેશભાઈને કાટમાળમાંથી બહાર કાઢી સારવાર માટે હોસ્પિટલ ખસેડાય તે પહેલા જ તેમણે અંતિમ શ્વાસ લીધા હતા. ઘટનાને પગલે શ્રમિકોમાં ભારે આક્રોશ અને શોકની લાગણી ફેલાઈ ગઈ છે. ઘટનાની જાણ થતા જ સ્થાનિક પોલીસ કાફલો ઘટના સ્થળે પહોંચી ગયો છે અને મૃતદેહને પોસ્ટમોર્ટમ માટે ખસેડવાની તજવીજ હાથ ધરી છે. શું કંપની દ્વારા સુરક્ષાના નિયમોનું ઉલ્લંઘન કરવામાં આવ્યું હતું? શેડ જર્જરિત હોવા છતાં તેનું સમારકામ કેમ કરવામાં નહોતું આવ્યું? આ તમામ દિશામાં પોલીસ અને ઇન્ડસ્ટ્રીયલ સેફ્ટી વિભાગ તપાસ...

વેજલપુર ખાતે વિશ્વ હિન્દુ પરિષદ-બજરંગ દળ દ્વારા ભવ્ય નિઃશુલ્ક મેડિકલ કેમ્પનું આયોજન સેવા અને સમરસતાના હેતુથી આયોજિત કેમ્પમાં મોટી સંખ્યામાં નગરજનોએ આરોગ્ય તપાસ અને આયુષ્યમાન કાર્ડ સેવાનો લાભ લીધો ભરૂચના વેજલપુર વિસ્તારમાં સામાજિક ઉત્તરદાયિત્વના ભાગરૂપે આજે એક પ્રશંસનીય સેવા કાર્ય સંપન્ન થયું હતું. સામાજિક સમરસતા અને સેવા વિભાગ તથા ડી.આર. કિરણ સી. પટેલ મેડિકલ કોલેજ એન્ડ રિસર્ચ ઇન્સ્ટિટ્યુટ (KMCRI), ભરૂચના સંયુક્ત સહયોગથી તમામ રોગોના નિદાન માટે એક વિશાળ નિઃશુલ્ક મેડિકલ કેમ્પનું આયોજન કરવામાં આવ્યું હતું. વેજલપુર સ્થિત બી.એચ. મોદી સ્કૂલ ખાતે આયોજિત આ કેમ્પમાં વિશ્વ હિન્દુ પરિષદ અને બજરંગ દળના કાર્યકરો દ્વારા માત્ર મેડિકલ તપાસ જ નહીં, પરંતુ સરકારની મહત્વકાંક્ષી આયુષ્યમાન કાર્ડ યોજના અંતર્ગત કાર્ડ કાઢી આપવાની કામગીરી પણ સુંદર રીતે કરવામાં આવી હતી. આ કેમ્પને સફળ બનાવવા માટે વિશ્વ હિન્દુ પરિષદ અને બજરંગ દળની ટીમ જેવી કે લાલાભાઈ, સાગરભાઈ, વિમલભાઈ, જયચંદભાઈ, અક્ષયભાઈ અને તેમના સાથી સભ્યોએ ભારે જહેમત ઉઠાવી હતી. આ કાર્યકર્તાઓની નિષ્ઠાને કારણે વેજલપુર વિસ્તારના મધ્યમ અને ગરીબ વર્ગના લોકોએ ખૂબ જ મો...

નવા તવરા ખાતે ૧૫ ગામ માછી પટેલ સમાજનો ૨૩મો ભવ્ય સમૂહ લગ્નોત્સવ યોજાયો એક પણ રૂપિયો લીધા વિના ૨૩ નવદંપતીઓએ પ્રભુતામાં પગલાં માંડ્યા: પર્યાવરણ જાળવણી માટે નવદંપતીઓને આંબાના વૃક્ષની ભેટ અપાઈ ભરૂચ તાલુકાના નવા તવરા ગામે '૧૫ ગામ માછી પટેલ વિકાસ મંડળ' અને 'નવા તવરા સમૂહ લગ્ન ઉત્સવ કમિટી'ના સંયુક્ત ઉપક્રમે ૨૩મા ભવ્ય સમૂહ લગ્નોત્સવનું આયોજન કરવામાં આવ્યું હતું. સમાજમાં આર્થિક અને સામાજિક પ્રગતિના ઉમદા હેતુ સાથે યોજાયેલા આ પ્રસંગે ૨૩ નવદંપતીઓએ શાસ્ત્રોક્ત વિધિથી લગ્નગ્રંથિએ જોડાઈ નવું જીવન શરૂ કર્યું હતું. આ સમૂહ લગ્નોત્સવની વિશેષતા એ રહી હતી કે આયોજકો દ્વારા કોઈપણ નવદંપતી પાસેથી એક પણ રૂપિયો લીધા વિના સંપૂર્ણ ખર્ચ કમિટી દ્વારા ઉઠાવવામાં આવ્યો હતો. લગ્નમાં થતા બિનજરૂરી ખર્ચને રોકવા માટે તમામ જોડાઓને ઘરે ડીજે કે બેન્ડ વગાડવા પર પ્રતિબંધ મૂકી, સાદગીપૂર્ણ રીતે સમૂહ લગ્ન સ્થળે જ વિધિ સંપન્ન કરવાનો આગ્રહ રાખવામાં આવ્યો હતો. ઉત્સવના ભાગરૂપે ગામની બહેનો અને યુવાનો દ્વારા ગામની દરેક ગલીઓ, મુખ્ય માર્ગો અને લગ્ન સ્થળ પર આકર્ષક રંગોળીઓ બનાવવામાં આવી હતી, જે મહેમાનો માટે આકર્ષણનું કેન્દ્ર બ...

હાજી અહમદ મન્શી આઈટીઆઈ, ભરૂચ ખાતે સેમિકન્ડક્ટર કારકિર્દી વિષયક વિશેષ સત્રનું આયોજન હાજી અહમદ મન્શી ઇન્ડસ્ટ્રીયલ ટ્રેનિંગ ઇન્સ્ટિટ્યૂટ (આઈટીઆઈ), ભરૂચ ખાતે *Kaynes Semicon Private Limited* ના સહયોગથી સેમિકન્ડક્ટર ક્ષેત્રમાં કારકિર્દી અંગે વિશેષ નિષ્ણાત સત્રનું સફળ આયોજન કરવામાં આવ્યું હતું. આ કાર્યક્રમ ભારત સરકારની *India Semiconductor Mission (ISM)* અંતર્ગત વિકસતા સેમિકન્ડક્ટર ક્ષેત્ર સાથે વિદ્યાર્થીઓને જોડવા માટે મહત્વપૂર્ણ રહ્યો. આ સત્ર સવારે ૧૦:૦૦ થી બપોરે ૧:૦૦ દરમ્યાન યોજાયું હતું, જેમાં ફિટર, ઇલેક્ટ્રિશિયન અને ઇલેક્ટ્રોનિક્સ મિકેનિક, AOCP તથા RFM ટ્રેડના અંતિમ વર્ષના વિદ્યાર્થીઓએ ઉત્સાહપૂર્વક ભાગ લીધો હતો. સત્રમાં ડૉ. વસી ઉદ્દીન (હેડ – R&D) અને શ્રી આફતાબ આલમ (પ્રોગ્રામ મેનેજર – R&D) દ્વારા સેમિકન્ડક્ટર ફેબ્રિકેશનના મૂળભૂત મુદ્દાઓ, ક્લીનરૂમ પ્રોટોકોલ (Class 10k/1k) અને ESD (Electrostatic Discharge) સલામતી ધોરણો અંગે માર્ગદર્શન આપવામાં આવ્યું હતું. ઉપરાંત, Kaynes Semicon ના સાનંદ પ્લાન્ટમાં કારકિર્દી તકો અંગે પણ માહિતી આપવામાં આવી હતી. કાર્યક્રમની શરૂઆત પ્રિન્સિપાલ શ્રી જુનૈ...

ધારાસભ્ય રમેશભાઈ મિસ્ત્રીએ અંદાડા તળાવના બ્યુટિફિકેશન કામનું નિરીક્ષણ કર્યું રૂ. 4 કરોડના ખર્ચે BAUDA દ્વારા હાથ ધરાયેલ કામગીરીની ગુણવત્તા અને સમયમર્યાદા બાબતે જરૂરી સૂચનાઓ આપી ભરૂચના અંદાડા ગામે BAUDA (ભરૂચ અંકલેશ્વર અર્બન ડેવલપમેન્ટ ઓથોરિટી) દ્વારા હાથ ધરવામાં આવેલા તળાવના બ્યુટિફિકેશનના કામનું ધારાસભ્ય રમેશભાઈ મિસ્ત્રીએ સ્થળ પર જઈને રૂબરૂ નિરીક્ષણ કર્યું હતું. અંદાજિત રૂ. 4 કરોડના ખર્ચે સાકાર થઈ રહેલા આ પ્રોજેક્ટની કામગીરી નિર્ધારિત સમયમાં પૂર્ણ થાય તે માટે તેમણે અધિકારીઓને જરૂરી માર્ગદર્શન પૂરું પાડ્યું હતું. અંદાડા ગામના તળાવને પ્રવાસન અને સ્થાનિક સુવિધાના હેતુથી વિકસાવવામાં આવી રહ્યું છે. ધારાસભ્યએ કામની પ્રગતિની સમીક્ષા કરતા જણાવ્યું હતું કે, વિકાસના કામોમાં ગુણવત્તા સાથે કોઈ બાંધછોડ કરવામાં ન આવે. તેમણે હાજર રહેલા ઈજનેરો અને કોન્ટ્રાક્ટરોને કામગીરી ઉચ્ચ ગુણવત્તાયુક્ત રહે તેમજ વરસાદી સીઝન પૂર્વે અથવા નક્કી કરેલી સમયમર્યાદામાં પૂર્ણ થાય તે જોવા કડક સૂચનાઓ આપી હતી. આ બ્યુટિફિકેશન પ્રોજેક્ટ અંતર્ગત તળાવની ફરતે વોકિંગ ટ્રેક, લાઈટિંગ અને અન્ય સુવિધાઓ ઊભી કરવામાં આવશે, જે આગામી સમયમાં...

ભરૂચ માટે ગૌરવ સમાન સિદ્ધિ – કોંગ્રેસ નેતા શમશાદ અલી સૈયદ (ગુજરાતમાં સૌથી વધુ મતો સાથે ભવ્ય વિજય) – ભરૂચ નગરપાલિકા વોર્ડ નં. ૨માં ઐતિહાસિક જીત  ભરૂચ નગરપાલિકા વોર્ડ નં. ૨માં થયેલ ચૂંટણીમાં શમશાદ અલી સૈયદે ભવ્ય અને ઐતિહાસિક વિજય મેળવી નવી સિદ્ધિ નોંધાવી છે. સમગ્ર ગુજરાતમાં યોજાયેલી ૮૪ નગરપાલિકાઓની ચૂંટણીમાં તમામ ઉમેદવારોમાં સૌથી વધુ મતો(7432) સાથે સૌથી મોટી લીડ મેળવી અનોખો રેકોર્ડ સ્થાપ્યો છે, જે ભરૂચ શહેર અને કોંગ્રેસ પાર્ટી માટે ગૌરવની વાત છે. આ વિજય માત્ર એક વ્યક્તિની જીત નથી, પરંતુ વોર્ડ નં. ૨ના જાગૃત નાગરિકોના અખંડ વિશ્વાસ, એકતા અને વિકાસ પ્રત્યેની પ્રતિબદ્ધતાનું પ્રતિબિંબ છે. જનતાએ જે અપાર પ્રેમ અને સમર્થન આપ્યું છે, તે આગામી સમયમાં વધુ જવાબદારી અને સેવાભાવ સાથે કામ કરવાની પ્રેરણા આપે છે. ચૂંટણી દરમિયાન દરેક કાર્યકર, યુવાનો, વડીલો, માતા-બહેનો તથા આગેવાનો દ્વારા કરાયેલ અથાગ મહેનત અને સમર્પણ આ વિજયના પાયા સમાન છે. આ સફળતા તમામ લોકોની સંયુક્ત મહેનતનું પરિણામ છે, જેમણે દિવસ-રાત મહેનત કરીને આ જીત સુનિશ્ચિત કરી છે. શમશાદ અલી સૈયદે આ પ્રસંગે જણાવ્યું હતું કે, “આ જીત મારા માટે સન્માન ...