ગુજરાત ની પરછાઇ

 જંબુસર પોલીસની ઈમાનદારી અને તત્પરતા, મુસાફરનું ખોવાયેલું કિંમતી દસ્તાવેજો ભરેલું પર્સ ગણતરીની મિનિટોમાં પરત અપાવ્યું રિપોર્ટર,દેવેન્દ્રમિસ્ત્રી  કહેવાય છે કે ‘સેવા, સુરક્ષા અને શાંતિ’ એ પોલીસનો મંત્ર છે, જેને જંબુસર પોલીસ સ્ટેશનના કર્મચારીઓએ ફરી એકવાર સાર્થક કરી બતાવ્યો છે. જંબુસર એસ.ટી. ડેપો ખાતેથી એક મુસાફરનું ગુમ થયેલું કિંમતી દસ્તાવેજો ભરેલું પર્સ શોધી કાઢી પોલીસે પ્રસંશનીય કામગીરી કરી છે. અભોર ગામના વતની રોહિતભાઈ મોતીભાઈ રામાભાઈ જંબુસર એસ.ટી. ડેપો ખાતે આવ્યા હતા, જે દરમિયાન તેમનું પર્સ ક્યાંક પડી ગયું હતું. આ પર્સમાં તેમના અત્યંત જરૂરી એવા આધારકાર્ડ, રેશનકાર્ડ, એલ.પી.જી. ગેસની બુક તથા અન્ય મહત્વના દસ્તાવેજો હતા. દસ્તાવેજો ખોવાઈ જતાં રોહિતભાઈ ભારે ચિંતામાં મુકાયા હતા. આ બનાવની જાણ થતાં જ જંબુસર પોલીસ સ્ટેશનના ફરજ પરના સતર્ક કર્મચારીઓ જયદીપસિંહ આર. ગોહિલ તથા નિતાબેન જે. ગોહિલ તુરંત હરકતમાં આવ્યા હતા. તેમણે સમય સૂચકતા વાપરીને:ગણતરીના સમયમાં એસ.ટી. ડેપોમાં તપાસ હાથ ધરી.ડેપો પર ઉભેલી બસોનું સઘન ચેકિંગ કર્યું. ટૂંક જ સમયમાં પર્સ શોધી કાઢી તેનો કબજો મેળવ્યો હતો. પોલીસ કર્મચારીઓ...

ભરૂચના વિદ્યાર્થીઓની ક્રાંતિકારી શોધ: દૂષિત પાણીની ઓળખ કરતું સ્માર્ટ "AquaPredict" ડિવાઇસ તૈયાર રિપોર્ટર, જીગ્નેશ રાજપુત  ગવર્નમેન્ટ એન્જિનિયરિંગ કોલેજના કેમિકલ વિભાગના છાત્રોની સિદ્ધિ | IoT ટેક્નોલોજીથી દૂષિત પાણી મળતા જ મોબાઈલ પર રિયલ-ટાઇમ એલર્ટ આવશે ભરૂચ શહેરની સરકારી એન્જિનિયરિંગ કોલેજના કેમિકલ એન્જિનિયરિંગ વિભાગના વિદ્યાર્થીઓએ જનસ્વાસ્થ્યની સુરક્ષા કાજે એક પ્રશંસનીય સિદ્ધિ હાંસલ કરી છે. SSIP (Student Startup and Innovation Policy) પ્રોજેક્ટ અંતર્ગત વિદ્યાર્થીઓએ "AquaPredict" નામનું એક અત્યાધુનિક ડિવાઇસ તૈયાર કર્યું છે, જે પાણીમાં થતા દૂષણને ગણતરીની સેકન્ડોમાં પારખીને ત્વરિત ચેતવણી આપવાની ક્ષમતા ધરાવે છે. સેન્સર આધારિત સ્માર્ટ મોનિટરિંગ આ પ્રોજેક્ટમાં ઇન્ટરનેટ ઓફ થિંગ્સ (IoT) ટેક્નોલોજીનો ઉપયોગ કરવામાં આવ્યો છે. આ ડિવાઇસમાં મુખ્યત્વે ચાર પ્રકારના સેન્સર ફીટ કરવામાં આવ્યા છે. pH સેન્સર: પાણીમાં એસિડ કે બેઝનું પ્રમાણ તપાસવા. ટર્બિડિટી સેન્સર: પાણીની ડોહળાસ કે ગંદકી માપવા. તાપમાન સેન્સર: પાણીના તાપમાનમાં થતા અચાનક ફેરફાર નોંધવા. TDS સેન્સર: પાણીમાં ઓગળેલા કુલ ઘન પદ...

 ૧.૪૦ લાખ આંગણવાડી બહેનોનો હુકાર: ૧૭ માર્ચથી રાજ્યભરની આંગણવાડીઓને લાગશે તાળા રાજ્યની આંગણવાડી કાર્યકર અને તેડાગર બહેનોએ પોતાની પડતર માંગણીઓને લઈને સરકાર સામે આરપારની લડાઈના મંડાણ કર્યા છે. પગાર વધારા અને નવા મોબાઈલ ફોન સહિતના પ્રશ્નોનું નિરાકરણ ન આવતા આગામી ૧૭/૦૩/૨૦૨૬ થી રાજ્યભરની ૧.૪૦ લાખ આંગણવાડીઓને તાળા મારવાની ચીમકી ઉચ્ચારવામાં આવી છે. હાલમાં જ બહેનોએ તમામ ઓનલાઈન કામગીરીનો બહિષ્કાર કરી વિરોધ નોંધાવ્યો છે. વચનો અધૂરા: ૨૦૨૨ થી મોબાઈલની રાહ વર્ષ ૨૦૨૨માં રાજ્ય સરકાર દ્વારા આંગણવાડી બહેનોને નવા સ્માર્ટફોન આપવાનું વચન આપવામાં આવ્યું હતું. જોકે, ત્રણ વર્ષ વિતવા છતાં હજુ સુધી નવા ફોન મળ્યા નથી. જૂના મોબાઈલ ફોન વારંવાર હેંગ થતા હોવાથી અને ટેકનિકલ ખામીઓને કારણે ઓનલાઈન એન્ટ્રી કરવી મુશ્કેલ બની છે. ગામડાઓમાં નેટવર્કના ધાંધિયા અને નબળી એપ્લિકેશનને કારણે બહેનોમાં ભારે રોષ જોવા મળી રહ્યો છે. મુખ્ય માંગણીઓ પર એક નજર  * પગાર વધારો: મોંઘવારીના સમયમાં સન્માનજનક વેતન આપવામાં આવે.  * નવા સ્માર્ટફોન: ટેકનિકલ કામગીરી માટે તાત્કાલિક નવા હેન્ડસેટની ફાળવણી.  * પડતર પ્રશ્નો: કુલ ૧૨ જેટલી ...

ભરૂચ એસ.ટી. વિભાગનું ગૌરવ: જંબુસર અને ઝગડિયાના ડેપો મેનેજરોએ નિગમની ઉચ્ચ પરીક્ષામાં મેળવી ભવ્ય સફળતા રિપોર્ટર દેવેન્દ્ર,મિસ્ત્રી  ગુજરાત રાજ્ય માર્ગ વાહન વ્યવહાર નિગમ (GSRTC) દ્વારા લેવામાં આવેલી ઉચ્ચ કક્ષાની વહીવટી પરીક્ષામાં ભરૂચ વિભાગે મેદાન મારી રાજ્ય સ્તરે પોતાની ક્ષમતા પુરવાર કરી છે. તાજેતરમાં જાહેર થયેલા "ડિવિઝનલ વર્કશોપ સુપ્રિટેન્ડેન્ટ" ની પરીક્ષાના પરિણામમાં ભરૂચ વિભાગના બે બાહોશ અને કર્મનિષ્ઠ અધિકારીઓએ ઝળહળતી સફળતા પ્રાપ્ત કરી છે. સફળતાના શિખરો સર કરતા બે જાંબાઝ અધિકારીઓ ભરૂચ એસ.ટી. વિભાગના નેજા હેઠળ કાર્યરત બે ડેપો મેનેજરોએ આ કઠિન પરીક્ષા પાસ કરીને વિભાગનું નામ રોશન કર્યું છે: ૧. નરેન્દ્રસિંહ સી. રાઠોડ (ડેપો મેનેજર, જંબુસર) ૨. રાજેન્દ્રસિંહ યુ. અટોદરિયા (ડેપો મેનેજર, ઝગડિયા) સંગઠનો દ્વારા ભવ્ય સન્માન આ ગૌરવપૂર્ણ સિદ્ધિ બદલ ભારતીય મજદૂર સંઘ (ભરૂચ વિભાગ) અને એસ.ટી. મજદૂર સંઘ ના હોદ્દેદારોમાં ખુશીની લહેર જોવા મળી હતી. સંગઠનના અગ્રણી સચિનભાઈ પટેલ અને અન્ય હોદ્દેદારોએ બંને અધિકારીઓની રૂબરૂ મુલાકાત લીધી હતી. આ તકે તેમને પુષ્પગુચ્છ અર્પણ કરી, મોઢું મીઠું કરાવી અભિનંદન પાઠ...

ગ્રાસિમ CSR દ્વારા વ્હાલુ પ્રાથમિક શાળામાં આંખ તપાસ અને મોતીયાબિંદ કેમ્પ.  રિપોર્ટર, જીગ્નેશ રાજપૂત  Grasim Industries Limited, વિલાયતના CSR વિભાગ દ્વારા Seva Rural, જઘડિયા ના સહયોગથી વ્હાલુ પ્રાથમિક શાળા ખાતે આંખ તપાસ અને મોતીયાબિંદ ઓળખ કેમ્પનું આયોજન કરવામાં આવ્યું હતું. આ કેમ્પનો હેતુ ગ્રામ્ય વિસ્તારમાં લોકોને આંખના આરોગ્ય અંગે જાગૃતિ લાવવી તથા જરૂરી સારવાર ઉપલબ્ધ કરાવવાનો હતો. કેમ્પ દરમિયાન કુલ 213 દર્દીઓની OPD તપાસ કરવામાં આવી હતી, જેમાંથી 112 લાભાર્થીઓને મફતમાં ચશ્મા આપવામાં આવ્યા હતા. ઉપરાંત 23 દર્દીઓને મોતીયાબિંદ સર્જરી માટે ઓળખ કરવામાં આવી હતી, જેમાંથી 8 દર્દીઓને આજે Seva Rural ની બસ દ્વારા ઓપરેશન માટે મોકલવામાં આવ્યા હતા. કાર્યક્રમ દરમિયાન ગામના સરપંચશ્રી તથા આગેવાનો ઉપસ્થિત રહ્યા હતા. તેમણે ગ્રાસિમ દ્વારા કરવામાં આવતા આવા સામાજિક કાર્યોને ખૂબ સરાહનીય અને ઉત્કૃષ્ટ સેવા ગણાવી હતી. સમાજના આરોગ્યની સંભાળ માટે ગ્રાસિમ દ્વારા મોબાઇલ મેડિકલ વાન દ્વારા નિયમિત આરોગ્ય સેવા આપવામાં આવે છે તેમજ સમયાંતરે આવા આરોગ્ય કેમ્પોનું આયોજન કરવામાં આવે છે, જે સમાજ માટે ખૂબ ઉપયોગી હોવાનું ...

પાનોલી જીઆઈડીસીની ક્રીશી રસાયણ કેમિકલ કંપનીમાં ભીષણ આગ આકાશમાં ધુમાડાના ગોટેગોટા ઉડ્યા, મેજર કોલ જાહેર રિપોર્ટર, જીગ્નેશરાજપૂત  ભરૂચ: અંકલેશ્વર નજીક આવેલી પાનોલી જીઆઈડીસીમાં આજે રવિવારે એક મોટી દુર્ઘટના સર્જાઈ હતી. પાનોલીની ક્રિશી રસાયણ એક્સપોર્ટ પ્રાઇવેટ લિમિટેડ નામની કંપનીમાં અચાનક ભીષણ આગ ફાટી નીકળતા સમગ્ર વિસ્તારમાં ભારે અફરાતફરીનો માહોલ જોવા મળ્યો હતો. આગ એટલી વિકરાળ હતી કે તેના ધુમાડાના કાળા ગોટેગોટા અને અગનજ્વાળાઓ કિલોમીટરો દૂરથી જોઈ શકાતી હતી. પ્રાપ્ત માહિતી અનુસાર, ક્રિશી રસાયણ કંપનીના પ્લાન્ટમાં કોઈ અગમ્ય કારણોસર આગ લાગી હતી. કેમિકલનો જથ્થો હોવાને કારણે આગે જોતજોતામાં રૌદ્ર સ્વરૂપ ધારણ કરી લીધું હતું. આગની તીવ્રતાને જોતા કંપનીના સત્તાધીશો અને સ્થાનિકોમાં ફાળ પડી હતી. સદનસીબે, હજુ સુધી કોઈ જાનહાનિના સમાચાર પ્રાપ્ત થયા નથી, પરંતુ મિલકતને મોટું નુકસાન થયું હોવાની ભીતિ છે. ઘટનાની જાણ થતા જ અંકલેશ્વર અને પાનોલી જીઆઈડીસીના ફાયર સ્ટેશનથી 5થી વધુ ફાયર ફાઈટરો તાત્કાલિક ઘટનાસ્થળે દોડી આવ્યા હતા. આગની ગંભીરતાને જોતા ફાયર વિભાગ દ્વારા 'મેજર કોલ' જાહેર કરવામાં આવ્યો હતો. ફાયરના જવ...

ભોલાવમાં ₹60 લાખના ખર્ચે નિર્માણ પામનાર કોમ્યુનિટી હોલનું ધારાસભ્ય રમેશભાઈ મિસ્ત્રીના હસ્તે ખાતમુહૂર્ત રિપોર્ટર, ભરતમીસ્ત્રી  ભરૂચ તાલુકાના ભોલાવ ગામ ખાતે ગ્રામજનોની સુવિધામાં વધારો કરવાના હેતુથી અંદાજિત ₹60 લાખના ખર્ચે નિર્માણ પામનાર અદ્યતન કોમ્યુનિટી હોલનું ખાતમુહૂર્ત ભરૂચ વિધાનસભાના ધારાસભ્ય રમેશભાઈ મિસ્ત્રીના વરદહસ્તે શાસ્ત્રોક્ત વિધિ સાથે કરવામાં આવ્યું હતું. ભોલાવ ગામમાં લાંબા સમયથી એક સુવિધાજનક સામાજિક ભવનની જરૂરિયાત વર્તાઈ રહી હતી. આ બાબતને ધ્યાને રાખી સરકાર દ્વારા મંજૂર કરાયેલ ₹60 લાખના ભંડોળમાંથી આ હોલ તૈયાર કરવામાં આવશે. ખાતમુહૂર્ત પ્રસંગે ધારાસભ્યએ જણાવ્યું હતું કે, છેવાડાના માનવી સુધી પાયાની સુવિધાઓ પહોંચાડવી એ અમારી પ્રાથમિકતા છે અને આ હોલના નિર્માણથી ગ્રામજનોને સામાજિક પ્રસંગોના આયોજન માટે ખૂબ જ સરળતા રહેશે. આ કાર્યક્રમમાં સ્થાનિક ચૂંટાયેલા જનપ્રતિનિધિઓ, સંગઠનના હોદ્દેદારો, ગ્રામ પંચાયતના સરપંચ તથા સભ્યો અને ગામના અગ્રણીઓ વિશેષ ઉપસ્થિત રહ્યા હતા.  કાર્યક્રમના અંતે ધારાસભ્ય અને અન્ય આગેવાનોએ ગામના વિકાસના કામોની સમીક્ષા કરી હતી. મોટી સંખ્યામાં ગ્રામજનોએ આ વિકાસલક...

વડોદરા માં વોર્ડ વિઝાર્ડ કંપનીમાં ₹28.47 કરોડનું મહાકૌભાંડ; નાસતા ફરતા પૂર્વ CEO ડો. સંતોષ ગઢવીની અમદાવાદથી ધરપકડ રિપોર્ટર,ભરતમીસ્ત્રી  વડોદરા શહેરની જાણીતી વોર્ડ વિઝાર્ડ મેડિકેર કંપનીમાં અંદાજે સાડા અઠ્ઠાવીસ કરોડ રૂપિયાની નાણાકીય ગેરરીતિ આચરી ફરાર થઈ ગયેલા પૂર્વ CEO ડો. સંતોષ ગઢવીને ઝડપી પાડવામાં વડોદરા ક્રાઈમ બ્રાન્ચને (DCB) મોટી સફળતા મળી છે. પોલીસે આરોપીને અમદાવાદના એસ.જી. હાઈવે પરથી દબોચી લીધો છે. ઘટનાની પૃષ્ઠભૂમિ અને ફરિયાદ જેતલપુર રોડ પર આવેલી વોર્ડ વિઝાર્ડ મેડિકેર પ્રા.લિ.ના ફાઇનાન્સ હેડ મોહસીનખાન પઠાણે આ મામલે વડોદરા પોલીસમાં ફરિયાદ નોંધાવી હતી. ઉલ્લેખનીય છે કે આ કંપની વડોદરા ઉપરાંત નડિયાદ, દહેજ અને ભરૂચમાં પણ હોસ્પિટલો ધરાવે છે. કંપનીના વહીવટી અને ખરીદીના તમામ અધિકારો આરોપી ડો. સંતોષ ગઢવી પાસે હતા, જેનો તેમણે દુરુપયોગ કર્યો હોવાનું બહાર આવ્યું છે. કૌભાંડની મોડસ ઓપરેન્ડી (કાર્યપદ્ધતિ) તપાસ દરમિયાન બહાર આવ્યું છે કે:  * ગેરરીતિનો સમયગાળો: આરોપીએ ૧ એપ્રિલ ૨૦૨૨ થી ૩૧ જાન્યુઆરી ૨૦૨૫ દરમિયાન આ કૌભાંડ આચર્યું હતું.  * બોગસ બિલો અને એકાઉન્ટ્સ: મેડિકલ સાધનોની ખરીદીના બહા...

ન્યૂઝીલેન્ડ મોકલવાના બહાને ૨૫ લાખની ઠગાઈ: વડોદરાની બે વિઝા એજન્સીઓ સામે માંજલપુર પોલીસ મથકે ગુનો નોંધાયો રિપોર્ટર,ભરતમીસ્ત્રી  વડોદરા: વિદેશ જવાના અભરખા રાખતા યુવાનોને નિશાન બનાવી લાખો રૂપિયા ખંખેરતી ગેંગનો વધુ એક પર્દાફાશ વડોદરામાં થયો છે. ન્યૂઝીલેન્ડમાં વર્ક પરમિટ વિઝા અને નોકરી અપાવવાના બહાને ભરૂચના યુવાન હર્ષ પંડ્યા સાથે ₹૨૫ લાખની છેતરપિંડી આચરવામાં આવી છે. આ મામલે માંજલપુર પોલીસે વડોદરાની બે જાણીતી ટ્રાવેલ એજન્સીઓના સંચાલકો સહિત ચાર લોકો વિરુદ્ધ FIR નોંધી તપાસ હાથ ધરી છે. ઘટનાની વિગત: ભરૂચના ઝાડેશ્વર વિસ્તારમાં રહેતા અને દહેજની કંપનીમાં પ્લાન્ટ ઓપરેટર તરીકે નોકરી કરતા હર્ષ પંડ્યાએ ઇન્સ્ટાગ્રામ પર ન્યૂઝીલેન્ડ વિઝાની જાહેરાત જોઈ હતી. આ જાહેરાતના આધારે તેમણે માંજલપુર સ્થિત 'વ્હાઇટ સ્ક્વેર ઇન્ટરનેશનલ' (White Square International) ઓફિસની મુલાકાત લીધી હતી. ત્યાં હાજર શિવાની જોશીએ ન્યૂઝીલેન્ડમાં 'કિચન હેન્ડ'ની નોકરી અપાવવાની લાલચ આપી કુલ ₹૩૦ લાખનો ખર્ચ જણાવ્યો હતો. નકલી એમ્પલોયમેન્ટ કોન્ટ્રાક્ટ અને છેતરપિંડી:  નાણાકીય વ્યવહાર: ફરિયાદીએ આરોપીઓના જણાવ્યા મુજબ અલગ-અલગ સમયે ર...