પાલિકામાં 'લેડીસ ડોન'નો વટ? સફાઈના નામે જનતાને ધમકાવતી કર્મચારી સામે તંત્ર કાર્યવાહી કરશે ખરા?

ભરૂચ પાલિકાની સેનેટરી વિભાગની કર્મચારી 'ભૂમિબેન' સામે જનઆક્રોશ: એક જ દિવસમાં ચોપડે નોંધાઈ ૩-૩ ફરિયાદો, 'લેડીસ ડોન' જેવો વટ બતાવતા રોષ


ભરૂચ નગરપાલિકાના સેનેટરી વિભાગમાં ફરજ બજાવતી અને સ્થાનિક સ્તરે 'લેડીસ ડોન' તરીકે ઓળખાતી કર્મચારી ભૂમિબેન સામે વોર્ડ નંબર ૮ ના રહીશોનો પિત્તો ગયો છે. આ કર્મચારીની જોહુકમી અને તોછડા વર્તનથી ત્રસ્ત નાગરિકોએ ગઈકાલે સેનેટરી વિભાગની ફરિયાદ બુકમાં એક જ દિવસમાં એક જ વોર્ડમાંથી પૂરી ૩ ફરિયાદો ચોપડે નોંધાવી દેતા પાલિકા આલમમાં ભારે ખળભળાટ મચી ગયો છે.

❝ચીફ ઓફિસરને કહેવું હોય તેને કહી દો!❞ – જનતાને ખુલ્લી ચેલેન્જ

વોર્ડ નંબર ૮ ના રહીશો જ્યારે પોતાના વિસ્તારમાં સફાઈ બાબતે કામ અર્થે વાત કરવા ગયા, ત્યારે આ કર્મચારીએ પ્રજાના સેવક હોવાનું ભૂલીને સત્તાનો નશો બતાવ્યો હતો. તેમણે અરજદારોને મોઢામોઢ પરખાવી દીધું કે:

"વીકમાં માત્ર બે જ દિવસ સફાઈ આવશે. તમારે ચીફ ઓફિસરને કહેવું હોય તો કહી દો અને તમારે કોઈને પણ કહેવાનું હોય તેને કહી દો, અમારું કંઈ થવાનું નથી!"

ટેક્સ ભરતી જનતા સામે પાલિકાના કર્મચારી દ્વારા આ પ્રકારની ઉદ્ધત ભાષાનો પ્રયોગ થતાં સ્થાનિકોમાં ઉગ્ર રોષ જોવા મળી રહ્યો છે.

દંડની જાહેરાતોમાં 'વીડિયો ફેમ' થતી કર્મચારીની અસલી હકીકત

અત્રે ઉલ્લેખનીય છે કે, "કચરો ગમે ત્યાં નાખશો તો ₹૫૦૦ અને ₹૧૦૦૦ નો દંડ થશે" તેવી નગરપાલિકાની સત્તાવાર જાહેરાતોમાં આ જ ભૂમિબેન પોતાનો અવાજ આપીને અને વીડિયોમાં ચમકીને ભારે ફેમસ થઈ રહ્યા છે. પરંતુ, કેમેરા સામે કાયદાનું જ્ઞાન વહેંચતી આ કર્મચારીની કથની અને કરનીમાં જમીન-આસમાનનો તફાવત જોવા મળ્યો છે. એક તરફ જનતાને દંડની ધમકી આપવી અને બીજી તરફ જનતા પોતાના હકનું કામ માંગે તો દાદાગીરી કરવી, તે ક્યાંનો ન્યાય છે?

જનતાનો સવાલ: શું તંત્ર કોઈ કાર્યવાહી કરશે ખરા?

ભરૂચ નગરપાલિકાના ઇતિહાસમાં કદાચ આ પહેલો કિસ્સો હશે જેમાં કોઈ એક જ કર્મચારી સામે એક જ દિવસમાં ૩-૩ લેખિત ફરિયાદો સત્તાવાર ચોપડે નોંધાઈ હોય. આટલો મોટો જનઆક્રોશ હોવા છતાં પાલિકા તંત્ર હજુ સુધી મૌન કેમ છે? ચીફ ઓફિસરના નામે નાગરિકોને ડરાવનાર આ કર્મચારી સામે ઉચ્ચ અધિકારીઓ કોઈ કડક પગલાં લેશે ખરા? તે હવે જોવાનું રહ્યું.

#ગુજરાત ની પરછાઇ 

Comments

Post a Comment

Popular posts from this blog

ખારવા પંચ યુવા સમિતિ દ્વારા ૭૦થી વધુ તેજસ્વી વિદ્યાર્થીઓ અને શિક્ષકોનું વિશિષ્ટ સન્માન

Image
ભરૂચના વેજલપુર ખાતે ખારવા પંચ યુવા સમિતિ દ્વારા તેજસ્વી તારલાઓનો ઇનામ વિતરણ અને ભવ્ય સન્માન સમારોહ યૉજાયો  રિપોર્ટર, પિયુષ મિસ્ત્રી  ધારાસભ્ય રમેશભાઈ મિસ્ત્રી, ટ્રસ્ટીગણ અને સામાજિક અગ્રણીઓની ઉપસ્થિતિમાં ૭૦થી વધુ તેજસ્વી વિદ્યાર્થીઓનું બહુમાન કરાયું; નિવૃત્ત શિક્ષકોનું પણ વિશિષ્ટ સન્માન સમાજમાં શિક્ષણનો વ્યાપ વધે અને યુવા પ્રતિભાઓને પ્રોત્સાહક મંચ મળે તેવા શુભ આશય સાથે ખારવા પંચ વેજલપુર ભરૂચ પ્રેરિત યુવા સમિતિ દ્વારા શૈક્ષણિક વર્ષ ૨૦૨૬ના ઉત્કૃષ્ટ પરિણામ મેળવનાર વિદ્યાર્થીઓ માટે "ઇનામ વિતરણ તથા સન્માન સમારોહ - ૨૦૨૬" નું અત્યંત ભવ્ય અને પ્રેરણાદાયી આયોજન કરવામાં આવ્યું હતું. આ સન્માન સમારોહમાં ધોરણ ૧૦ અને ૧૨ માં ૭૦% કે તેથી વધુ ગુણ મેળવનાર, તેમજ સ્નાતક, અનુસ્નાતક અને વ્યાવસાયિક કોર્સ સફળતાપૂર્વક પૂર્ણ કરનાર વેજલપુર અને આસપાસના સોસાયટી વિસ્તારના ખારવા, હાંસોટી અને માછી સમાજના ૭૦ જેટલાં ઉત્સાહી વિદ્યાર્થીઓએ ભાગ લીધો હતો. કાર્યક્રમમાં ખાસ ઉપસ્થિત ભરૂચના લોકપ્રિય ધારાસભ્ય રમેશભાઈ મિસ્ત્રી, પંચના ટ્રસ્ટીગણ તેમજ સામાજિક કાર્યકરોએ વિદ્યાર્થીઓને શૈક્ષણિક પ્રગતિ માટે પ્રેરક માર્ગદર્શન પ...
Read more

વેજલપુર પારસીવાડ માં એક મકાન ધરાશાય થતા એક કામદાર મકાન નીચે દટાયો

Image
 ભરૂચમાં જૂનું મકાન ધરાશાયી; ફાયર બ્રિગેડની ત્વરિત કામગીરીથી એક કામદારનો આબાદ બચાવ! રિપોર્ટર,પિયુષમિસ્ત્રી  ભરૂચ શહેરના વેજલપુર વિસ્તારમાં આવેલા પારસીવાડ, દશા માતાજીનાં મંદિર પાસે આજે એક જૂનું મકાન ધરાશાયી થતાં અફરાતફરી મચી ગઈ હતી. આ દુર્ઘટના ત્યારે થઈ જ્યારે આ જર્જરિત મકાનને ઉતારવાનું (તોડી પાડવાનું) કામ ચાલી રહ્યું હતું, જેમાં કુલ ત્રણ વ્યક્તિઓ રોકાયેલા હતા. મકાન તૂટી પડતાં જ કાટમાળ નીચે કામ કરી રહેલા ત્રણ પૈકીના એક વ્યક્તિ, ટીનાભાઈ, દબાઈ ગયા હતા. અન્ય કામદારો અને સ્થાનિકોએ તરત જ મદદ માટે બૂમરાણ મચાવી હતી. 🔥 ફાયર બ્રિગેડની સરાહનીય કામગીરી ઘટનાની જાણ થતાં જ ભરૂચ ફાયર બ્રિગેડની ટીમ સમયનો વ્યય કર્યા વિના તાત્કાલિક ઘટનાસ્થળે દોડી આવી હતી. કાટમાળ નીચે ફસાયેલા ટીનાભાઈનો જીવ જોખમમાં હતો, પરંતુ ફાયર બ્રિગેડના જવાનોએ પોતાની સૂઝબૂઝ, તાલીમ અને આધુનિક સાધનોનો ઉપયોગ કરીને ત્વરિત કામગીરી હાથ ધરી હતી. ભારે જહેમત બાદ, ગણતરીના સમયમાં ટીનાભાઈને સુરક્ષિત રીતે કાટમાળમાંથી બહાર કાઢવામાં આવ્યા હતા. 🏥 હાલત સ્થિર, હોસ્પિટલમાં ખસેડાયા ટીનાભાઈને તાત્કાલિક ૧૦૮ એમ્બ્યુલન્સ મારફતે સારવાર માટે હોસ્પિટલ...
Read more

સહજાનંદ એવન્યુ ખાતે 'વિશ્વ પર્યાવરણ દિવસ' નિમિત્તે ભવ્ય વૃક્ષારોપણ: રહીશોએ લીધો પ્રકૃતિ જતનનો સંકલ્પ

Image
સહજાનંદ એવન્યુ ખાતે ‘વિશ્વ પર્યાવરણ દિવસ’ નિમિત્તે ભવ્ય વૃક્ષારોપણ કાર્યક્રમ યોજાયો વર્તમાન સમયમાં ગ્લોબલ વોર્મિંગ અને પ્રદૂષણની ગંભીર સમસ્યાઓ વચ્ચે પ્રકૃતિના જતન માટે જાગૃતિ લાવવી ખૂબ જ અનિવાર્ય બની ગઈ છે. આ જ ઉમદા હેતુ સાથે ગઈકાલે ‘વિશ્વ પર્યાવરણ દિવસ’ નિમિત્તે સ્થાનિક સહજાનંદ એવન્યુના સક્રિય રહીશો અને કાર્યકરો દ્વારા પર્યાવરણના જતન અને સંરક્ષણ માટે એક પ્રેરણાદાયી સંકલ્પ લેવામાં આવ્યો હતો. આ અવસરે સોસાયટીના રહીશોએ એકત્રિત થઈને સોસાયટીની બહાર આવેલી ખુલ્લી જગ્યામાં ઉત્સાહભેર વૃક્ષારોપણ કરીને આ દિવસની સાર્થક ઉજવણી કરી હતી. સક્રિય કાર્યકરોનું નોંધપાત્ર યોગદાન આ સમગ્ર પર્યાવરણલક્ષી કાર્યક્રમને સફળ બનાવવામાં સહજાનંદ એવન્યુના સક્રિય અગ્રણીઓ અને પર્યાવરણ પ્રેમીઓએ ભારે જહેમત ઉઠાવી હતી. જેમાં:શ્રી શનિભાઈ પટેલ અને શ્રીમતી ભાવિશા પટેલશ્રી મિતેશભાઈ સવાણી,અને શ્રીમતી કૃપાલી સવાણી શ્રી પ્રજ્ઞેશ પટેલ અને શ્રીમતી અનસૂયા પટેલ, શ્રી જયંતીભાઈ પટેલ, શ્રી કિશોરભાઈ રોકડિયા,શ્રી પ્રદીપભાઈ પટેલ, શ્રી મયંકભાઈ હિંગુ, શ્રી વીરુભાઈ રાજ્યગુરુ તથા શ્રી સુલભ શ્રીવાસ્તવ આ તમામ કાર્યકરોએ હાજર રહીને માત્ર વૃક્ષો વાવ્ય...
Read more