લંકાની રાજકુમારીએ બંધાવેલું 'સમડી વિહાર' કે જામા મસ્જિદ? ભરૂચમાં પુરાતત્વ વિભાગ સામે આક્ષેપ સાથે સંવર્ધનની માંગ

ભરૂચની ઐતિહાસિક જામા મસ્જિદ ફરી વિવાદમાં જૈન સંતનો 'સમડી વિહાર' તીર્થ હોવાનો દાવો

ભરૂચની ઐતિહાસિક જામા મસ્જિદ ફરી એકવાર કાયદાકીય અને ધાર્મિક વિવાદના કેન્દ્રમાં આવી છે. 

તાજેતરમાં એક જૈન સંત દ્વારા આ વિવાદિત સ્થળ અસલમાં જૈન તીર્થ 'સમડી વિહાર' હોવાનો દાવો કરવામાં આવતા સ્થાનિક રાજકારણ અને ધાર્મિક ક્ષેત્રે ગરમાવો આવી ગયો છે.

પ્રાપ્ત વિગતો અનુસાર, જૈન સંતે આ ઐતિહાસિક ઇમારતની મુલાકાત લીધી હતી અને ત્યાં આવેલા ભોંયરામાં જવાની ઈચ્છા વ્યક્ત કરી હતી. જોકે, વહીવટી તંત્ર અથવા સંબંધિત પક્ષો દ્વારા તેમને ભોંયરામાં પ્રવેશવાની મંજૂરી આપવામાં આવી ન હતી. આ ઘટના બાદ વિવાદે વધુ જોર પકડ્યું છે.

લંકાની રાજકુમારી અને 'શકુનિકા વિહાર'નો ઇતિહાસ જૈન ધર્મના ઇતિહાસ અને પ્રાચીન વાયકાઓનો હવાલો આપતા સંતે જણાવ્યું હતું કે, સદીઓ પહેલાં લંકાની રાજકુમારીએ ભરૂચની આ પવિત્ર ભૂમિ પર એક ભવ્ય જૈન તીર્થનું નિર્માણ કરાવ્યું હતું.

 જૈન ગ્રંથો અને ઇતિહાસમાં આ સ્થળ 'સમડી વિહાર' અથવા શકુનિકા વિહાર' તરીકે ઓળખાય છે, જે આજે પણ જૈન સમુદાયમાં અત્યંત વિશેષ અને પૂજનીય સ્થાન ધરાવે છે સ્થળ પર થયેલા ફેરફારો અંગે નારાજગી વ્યક્ત કરતા સંતે આક્ષેપ કર્યો છે કે: મસ્જિદ પરિસરમાં થયેલું નવું બાંધકામ ગેરકાયદે અને ખોટું છે.પુરાતત્વ વિભાગ (ASI) દ્વારા ભૂતકાળમાં આ ઐતિહાસિક ધરોહરની ઘોર ઉપેક્ષા કરવામાં આવી છે, જેના કારણે મૂળ સ્થાપત્યને નુકસાન થયું છે.

જૈન સંત અને અગ્રણીઓએ માંગ ઉઠાવી છે કે આ એક અત્યંત મહત્વની ઐતિહાસિક ધરોહર છે. આ સ્થળના મૂળ ગૌરવને પુનઃસ્થાપિત કરવા માટે તેનું યોગ્ય શુદ્ધિકરણ થવું જોઈએ અને પુરાતત્વ વિભાગ દ્વારા આ પુરાતન તીર્થનું વૈજ્ઞાનિક ઢબે સંવર્ધન તથા રક્ષણ કરવામાં આવે તે અનિવાર્ય છે.

આ વિવાદને પગલે આગામી દિવસોમાં પુરાતત્વ વિભાગ અને સ્થાનિક તંત્ર શું પગલાં લે છે તેના પર સૌની નજર મંડાયેલી છે.

#ગુજરાત ની પરછાઈ