આમ આદમી પાર્ટી (AAP) દ્વારા સરકાર અને પોલીસ પર ડ્રગ્સ અને દારૂના મુદ્દે સતત આક્ષેપો કરવામાં આવી રહ્યા છે

 ડ્રગ્સની ઝૂઠ્ઠી વાર્તા ગૂંથનાર AAPનું ઘર જ દારૂ કાંડમાં ગરકાવ!

રિપોર્ટર,પિયુષમિસ્ત્રી 

ભરૂચ: આમ આદમી પાર્ટી (AAP) દ્વારા સરકાર અને પોલીસ પર ડ્રગ્સ અને દારૂના મુદ્દે સતત આક્ષેપો કરવામાં આવી રહ્યા છે, ત્યારે પાર્ટીના પોતાના જ આગેવાનો દારૂના કૌભાંડોમાં ફસાયા હોવાના અને ધારાસભ્ય ચૈત્ર વસાવાના આક્ષેપો પાયા વિહોણા હોવાના અહેવાલ છે.

🏭 પાનોલી કંપનીના નવા ડિરેક્ટરોના ચૈત્ર વસાવા પર આક્ષેપો

ડેડીયાપાડાના ધારાસભ્ય ચૈત્ર વસાવાએ પાનોલીની ઇન્ફિનિટી રિસર્ચ એન્ડ ડેવલોપમેન્ટ કંપનીને લઈને જે આક્ષેપો કર્યા હતા, તેને કંપનીના નવા ડિરેક્ટરોએ પાયા વિહોણા ગણાવ્યા છે.

કંપનીની ખરીદી: ડિરેક્ટર અવિનાશ પટેલે સ્પષ્ટતા કરી કે કંપની બેન્ક ઓફ કર્ણાટક પાસેથી કાયદેસર હરાજીમાં ખરીદવામાં આવી છે. જૂના ડ્રગ્સ કેસ સાથે તેમનો કોઈ સંબંધ નથી.

નવા ડિરેક્ટરો: ઓગસ્ટ ૨૦૨૨માં ડ્રગ્સ ઝડપાયા બાદ કંપની બેંકના કબજામાં ગઈ હતી અને ૨૫ એપ્રિલ ૨૦૨૫ના રોજ તેની હરાજી યોજાઈ હતી. અવિનાશ પટેલ, ઉમંગ પટેલ, ભરત મિસ્ત્રી અને પ્રિયંકા ચૌધરીએ 13.48 કરોડમાં ખરીદીને અહીં જેન્ટિકા ફાર્મા નામે કાયદેસર જીવનરક્ષક દવાનું ઉત્પાદન શરૂ કર્યું છે.

બદનામ કરવાનો પ્રયાસ: અન્ય ડિરેક્ટર હસમુખભાઈએ AAP પર આરોપ મૂક્યો કે સરકાર વિરુદ્ધ લડવા માટે મુદ્દા ન હોવાથી, ચૈત્ર વસાવા ફેબ્રિકેટેડ ન્યૂઝ બનાવીને પોલીસ અને સરકારને બદનામ કરવાનો પ્રયાસ કરી રહ્યા છે, જે ઉદ્યોગકારોના વ્યવસાયને નુકસાન પહોંચાડે છે.

ઉદ્યોગકાર અવિનાશ પટેલનું નિવેદન (બાઈટ): "અમારી કંપની સંપૂર્ણ કાયદેસર રીતે કાર્યરત છે. અમારો જૂના ડ્રગ્સ કેસ સાથે કોઈ સંબંધ નથી. ધારાસભ્ય દ્વારા અધૂરી અને ખોટી માહિતી સાથે કરવામાં આવેલા નિવેદનો અમારી પ્રતિષ્ઠા અને બિઝનેસને નુકસાન પહોંચાડે એવા છે."

🍻 AAPનું નૈતિક પાઠફેલ: પોતાના જ આગેવાનો દારૂ કાંડમાં

એક તરફ AAP સિસ્ટમ સામે લડતની વાત કરે છે, ત્યારે બીજી તરફ તેમના પોતાના જ હોદ્દેદારો દારૂના કૌભાંડમાં ઝડપાયા છે. આ ઘટનાઓએ પાર્ટીના નૈતિક હકને સવાલોમાં મૂકી દીધો છે.

AAP જિલ્લા પ્રમુખ (નર્મદા) નિરંજન વસાવાના ભાઈ દારૂ વેચતાં રંગેહાથ ઝડપાયા.

ઝઘડિયા તાલુકામાં AAPના એક આગેવાનના ઘરમાંથી ૧૦૯ દારૂની બોટલો મળી આવી.

આ ઉપરાંત, ચૈત્રર વસાવાના નિકટના સાથીઓ પણ ઉમલ્લા અને નર્મદા જિલ્લામાં દારૂના કેસોમાં ઝડપાયા છે.

આ સંજોગોમાં, સરકારને ઘેરવાની ચૈત્ર વસાવાની રાજકીય કોશિશ હવે તેમના માટે જ બૂમરેંગ સાબિત થવાની સંભાવના જણાઈ રહી છે, અને AAPને પહેલા પોતાનું ઘર સંભાળવાની સલાહ નવા ડિરેક્ટરો તરફથી મળી છે.

#gujaratniparchhai