જંબુસર માં અખિલ વિશ્વ ગાયત્રી પરિવાર દ્વારા જયોતિ કળશ રથયાત્રાનું ભવ્ય આયોજન

અખિલ વિશ્વ ગાયત્રી પરિવાર - જંબુસર દ્વારા દિવ્ય જયોતિ કળશ રથયાત્રાનું ભવ્ય આયોજન

રિપોર્ટર જંબુસર, દેવેન્દ્ર મીસ્ત્રી 

જંબુસર: શાંતિકુંજ હરિદ્વારની પ્રેરણાથી અખિલ વિશ્વ ગાયત્રી પરિવાર દ્વારા દિવ્ય જયોતિ કળશ રથયાત્રાનું ભવ્ય આયોજન કરવામાં આવ્યું હતું. આ પવિત્ર યાત્રાના દર્શન અને પૂજન-આરતી માટે મોટી સંખ્યામાં ભક્તો ઉમટી પડ્યા હતા.

યાત્રાની પવિત્રતા અને ધાર્મિક ઉર્જા: આ રથયાત્રા દ્વારા યુગઋષિનો સંદેશ પ્રાપ્ત કરવાનો અને જીવનને ધાર્મિક શાંતિથી ધન્ય બનાવવાનો અવિસર મળ્યો. ભક્તિભાવ સાથે જોડાયેલા ભાઈ-બહેનો માટે આ યાત્રા એક અનન્ય આધ્યાત્મિક અનુભવ બની. જયોતિપર્વ નિમિત્તે રાત્રે ત્રણ દિવા સાથે ઉપસ્થિત રહેવું અનિવાર્ય હતું, જેની અસર સમગ્ર કાર્યક્રમમાં જોવા મળી.

સમગ્ર જંબુસર તાલુકાના ધર્મપ્રેમી ભક્તો રથયાત્રામાં ઉમટ્યા હતા અને ભક્તિમય સંકીર્તન, આરતી અને ધાર્મિક ઉત્સાહ સાથે આ યાત્રા શાંતિ અને દિવ્યતાની ભાવના પ્રગટ કરતી જોવા મળી.

આ શ્રદ્ધાસભર યાત્રા ભક્તો માટે એક અધ્યાત્મિક ઉર્જા અને સંતોષ લાવનારી રહી, જેમાં સમગ્ર પરિસર ભક્તિમય માહોલમાં ગુંજી ઉઠ્યું હતું.

#gujaratniparchhai