ભરૂચની ક્ષેત્રિય તપાસ ટીમ દ્વારા આકસ્મિક તપાસ ખનીજ ના બિનઅધિકૃત વાહન જપ્ત

ભુસ્તરવિજ્ઞાન અને ખનીજ કચેરી ભરૂચની ક્ષેત્રિય તપાસ ટીમ દ્વારા આકસ્મિક તપાસ 

ખનીજનું બિનઅધિકૃત વહન કરવા બદલ ૦૭ ડમ્પરોને સીઝ કરી ૦૨ કરોડ નો મુદ્દામાલ જપ્ત 

ભુસ્તરશાસ્ત્રી ભરૂચની સુચના અન્વયે ભુસ્તરવિજ્ઞાન અને ખનીજ કચેરી ભરૂચની ક્ષેત્રિય તપાસ ટીમ દ્વારા શુક્રવારના રોજ અલગ અલગ જગ્યાએ ખનીજ ભરીને વહન કરતા વાહનોની ચેકિંગની કામગીરી હાથ ધરવામાં આવી હતી. તપાસ દરમ્યાન શુકલતીર્થ ગામનાં રોડ ખાતેથી સાદીરેતી ખનીજનું બિનઅધિકૃત વહન કરતી ૦૨ ટ્રકો જપ્ત કરી શુકલતીર્થ આઉટ પોસ્ટ ખાતે રાખવામાં આવી તથા દહેજ બાયપાસ રોડ ખાતેથી ૦૨ બ્લેકટ્રેપ અને ૦૧ સાદીરેતી ખનીજનું બિનઅધિકૃત વહન કરતા ડમ્પરોને જપ્ત કરી કલેક્ટર કચેરી ભરૂચ ખાતે સીઝ કરવામાં આવ્યા છે.અને વાગરા ચોકડી ખાતેથી પણ ક્વોરીસ્પોલ (બ્લેકટ્રેપ) ખનીજનું બિનઅધિકૃત વહન કરતાં ૦૨ ડમ્પરોને સીઝ કરવામાં આવ્યા હતા. આમ તા.૨૪ જાન્યુઆરી ૨૦૨૫ નાં રોજ કુલ- ૦૭ ડમ્પરોને ખનીજનું બિનઅધિકૃત વહન કરવા બદલ સીઝ કરી ૦૨ કરોડ નો મુદ્દામાલ જપ્ત કરવામાં આવ્યો હતો.

#gujaratniparchhai